Ƙirƙiro Kamfanin
Kamfanin Gwani Software ta faro ne cikin ikon Allah bisa nazari da wanda ya ƙirƙiro ta yayi, a ganinsa lokaci yayi da za'a shigo da jama'ar Hausawa da masu sha'awan harshen Hausa cikin fasahar na'ura mai ƙwalƙwalwa. Wannan cigaba kuwa zai iya samu ba tare da wani buƙata koyon harshen nasara ba. Bahaushe da harshensa mai albarka zai iya ƙwarewa har ya zamo gwani cikin fasahar na'ura mai ƙwaƙwalwa. Tun zaman wanda ya ƙirƙiro kamfanin a jami'ar Abubakar Tafawa Ɓalewa da ke cikin garin Bauchi, ya fara yunƙuri aiwatar da wannan nazari nasa kuma da Allah ya tofa ma gyaɗansa ruwa sai wannan kamfanin naku ya kankama. Sunan kamfanin "Gwani" na nuna shirin wannan kamfani na mayar da masu karatu da muamala da ita wajen gwanancewa ba tare da wani wahala ba.
Ladubban Harkokinmu
Nagarta:- Mun sa ido don ganin dukkan hajojinmu da ayyukanmu sun dace da buƙatunku don kwalliya ta biya kuɗin subulu haka kuma mun haɗa ƙarfi da ƙarfe don ganin jama'anmu sun sami bajinta cikin harkokin na'ura mai ƙwalƙwalwa.
Gwaninta:- Mun sadauƙar da kanmu don ganin almajiranmu da ɗalibanmu sun yi fice a harkar na'ura mai ƙwaƙwalwa tare da ma'aikatanmu baki ɗaya. Haka kuma hajojinmu sun yi fice a duk yadda ake amfani da su.
Amana:-Muna riƙe da amanar masu hulɗa da mu, almajiranmu da ɗalibanmu don samar musu da abarbaden da su ke buƙata cikin fasahar na'ura mai ƙwalƙwalwa.
Aminta:-Muna iyaka ƙoƙarinmu don tabbatar da cewa jama'armu sun aminta da mu kuma sun aminta da kansu kan duk wani abu da ya shafi na'ura mai ƙwaƙwalwa.
Girmamawa:- Muna girmama ɗabi'u, al'adu da addinan sauran ƙabilu da baƙi, hakan kuma a bayyane yake cikin duk wata mu'amalamar mu.
Kasuwanci:-Mun duƙufa wajen samar da arziki don kanmu, ma'aikatanmu da ƙasanmu; ta hanyar shiga halartacciyar kasuwanci da ta shafi na'ura mai ƙwaƙwalwa.
Mutunta:-Mun ƙuduri niyyan cika muhimman muradun ma'aikatunmu da jama'armu ta haka sai mu samar da kyakkyawan yanayi mai mutunta buƙatun bani Adama daga cikin yanayin aiki da kasuwanci.
Bayyane ya ke:- ƙudurorinmu, ra'ayoyinmu da matsayanmu a bayyane suke ga kowa.
Duƙufa:- A duke muke don kawo cigaban fasahar na'ura mai ƙwaƙwalwa a ƙasarmu Najeriya da garuruwan Hausawa da masu sha'awar harshen Hausa.
Tuntuba:- Kowani ɗan Adam da irin baiwar da Allah ya masa don haka muna na'am da shawarwarin masana akan fagen da Allah ya basu sani a kai; neman irin waɗannan shawarwari ya zama dole a garemu.
Biyan buƙata:- Biyan buƙatanmu a kullum tare yake da biyan buƙatan almajiranmu, ɗalibanmu da masu hulɗar kasuwanci da mu.
Ra'ayinmu:- A kullum masu hulɗa da mu sune kan gaba mu kuma na biye, don kuwa ruwan da ya buge ka shine ruwa.
Nasara:-Nasara a kowani irin aiki daga Allah ya ke, shi muke roƙo ya ba mu nasara a dukkanin ayyukanmu.
Haɗin gwiwa:- Kofa buɗe ta ke kullum don haɗin gwiwa da sauran kamfanoni, haɗin gwiwa mai ma'ana da shi a ka sanmu kuma shirye muke don bada tallafi ga duk wata bincike da ta shafi na'ura mai ƙwaƙwalwa.
Tarbiyya:-Muna tafiya bisa tafarki cike da tarbiyya da ladabi hakan ya sa dole ma'aikatunmu da masu koyarwa cikinmu su zamo masu tarbiyya wajen hulɗa da almajiranmu, ɗalibanmu da masu hulɗan kasuwanci da mu.
Faƙira:-Abin da ya ke mai kyau shi ne namu don kuwa nagari na kowa...
Sayen nagari:-Hajojinmu a kullum nagartar su a fili ya ke.
kyautatawa:-kyautata wa marayu na cikin manyan muraɗunmu.
Mun gode.
